ताजा खबर

सवारी दुर्घटना न्यूनिकरण गर्न सडक अनुशासन अनिवार्य

SITENAME


घोराही, २९ जेठ ।
बढ्दो सवारी दुर्घटना न्यूनिकरणका लागि सडक अनुशासनमा सरोकारवालाहरुले जोड दिएका छन् । पाँच नम्बर प्रदेश प्रहरी कार्यालय तुलसीपुरले आज आयोजना गरेको ट्राफिक प्रहरी सम्मेलन तथा सडक सभ्यता साथै सवारी दुर्घटना न्यूनिकरण बिषयक कार्यक्रममा बोल्ने बक्ताहरुले सडक अनुशासन र ट्राफिक नियमको अक्षरस पालना गर्नुपर्नेमा जोड दिएका हुन् ।

 

अन्य जिल्लाको तुलनामा दाङमा अत्यधिक सवारी दुर्घटना हुने गरेको भन्दै सरोकारवालाहरुले सबै पक्षले ट्राफिक नियमको पालना गर्दै सडक अनुशासन कायम राख्नुपर्ने बताए । 

 

५ नम्बर प्रदेशप्रहरीकार्यालयका प्रमुख डिआईजी शेरबहादुर बस्नेतको अध्यक्षतामा भएको कार्यक्रममा बोल्दै उच्च अदालत तुलसीपुरका न्यायधिस महेश शर्मा पौडेलले कानुन कार्यान्वयन र ट्राफिक नियमको पालना गरेमा सडक दुर्घटना रोकिने बताउनुभयो ।

 

त्यसैगरी, घोराही उपमहानगरपालिकाका प्रमुख नरुलाल चौधरीले सवारी दुर्घटना न्यूनिकरण गर्न ट्राफिक नियमको अक्षरस पालना हुनुपर्ने बताउनुभयो । नियम पालनामा चालक नै बढी जिम्मेवार हुनुपर्ने भन्दै चालक र यातायात व्यवसायीहरुले नै अन्यलाई पनि सिकाउनु पर्ने र राज्यका निकायहरुले सडकलाई भरपर्दो बनाउनु पर्नेमा जोड दिनुभयो । 

 

कार्यक्रममा प्रमुख जिल्ला अधिकारी गजेन्द्रबहादुर श्रेष्ठले बढ्दो सवारी दुर्घटनालाई रोक्न सडक सुधार, चालक र पैदल यात्रुको अनुशासन, गाडीको अबस्था ठिक हुनु पर्नेमा जोड दिनुभयो । कार्यक्रममा डिआईजी बस्नेतले भएका स्रोत साधन र जनशक्तिलाई अधिकतम प्रयोग गर्दै सडक अनुशासन कायम गर्न आफुहरु सकृय रहेको बताउनुभयो ।

 

साथै उहाँले मातहतका प्रहरीहरुलाई ट्राफिक नियमको कडाईका साथ पालना गर्न निर्देशन समेत दिनुभयो । सम्मेलनमा पाँच नम्बर प्रदेशका १२ जिल्लाका अधिकृत तहका करिब दुई सय बढि प्रहरीको सहभागिता रहेको थियो ।।
 

प्रतिकृया दिनुहोस
SITENAME

जाजरकोटमा पहिरोले पुरिएर ७ जनाको मृत्यु

जाजरकोट, २० साउन । जाजरकोटको सदरमुकाम खलंगामा अाइतबार बिहान गएको पहिराले घर पुर्दा ७ जनाको मृत्यु भएको छ । एक जना घाइते छन् भने दुर्इ जना बेपत्ता छन् ।

SITENAME

बाँकी पाँच प्रदेश नामाङ्कन कहिले ?

घोराही, १९ साउन । मुलुक संघियतामा गएको लामो समय भइसक्दा समेत ५ प्रदेशको नामाकरण अझै हुन सकेको छैन । गण्डकी र कर्णालीबाहेक सबै प्रदेश आफ्नो नम्बरकै

SITENAME

प्रधानन्यायाधीशमा जोशी अस्वीकृत 

घोराही, १८ साउन । प्रधानन्यायाधीशमा सिफारिस दीपकराज जोशीलाई संसदीय सुनवाई समितिले अस्वीकार गरेको छ । प्रतिपक्षी नेपाली कांग्रेसका सांसदहरुले